НАСОКИ ЗА БРЗО, МАКСИМАЛНО И БЕЗБЕДНО ГУБЕЊЕ НА ВИШОКОТ НА КИЛОГРАМИ

За да се постигне идеалната телесна тежина, еден од најважните принципи кои треба да се задоволат е никогаш да не се биде гладен!! Чувството на глад е многу важен показател за потребата од храна и тоа чувство е најсигурниот знак дека на организмот му е потребна енергија. Доколку се игнорира гладот, односно доколку одлучите да гладувате, се разбира дека ќе се покренат механизмите за користење на резервната енергија, т.е. депоата на енергија, кои најпрво се резервите на гликоген од црниот дроб и мускулите, а дури потоа се мобилизираат депоата на масти. Но со ваквото постојано гладување, организмот ги активира неговите заштитни механизми за зачувување на депоата на масти, што значи дека создавањето и таложењето на масно ткиво во телото ќе биде многу лесно покренувано па дури и во состојба на умерено јадење, односно во состојби кога се консумира многу помалку или поумерено количество на храна. Така многу луѓе знаат да се пожалат на нивната „склоност за дебелеење“, велејќи дека дури „и од водата се дебелат“.

Да се вратиме на принципот на „Задоволување на гладот“, како основен принцип за слабеење и одржување на идеална телесна тежина. Гладот правилно се задоволува прво, со внес на доволна количина на храна и второ со внес на доволна количина на искористливи калории, кои организмот ќе ги троши за потребите на своите секојдневни активности а нема да ги таложи како резервна енергија. Храната која ќе ги задоволи овие барања е главно скробната храна, како житарка, компир, ориз, па и мешунки меѓу кои грав, леќа, наут и сл.

Наброената храна е храна која се карактеризира со ниска густина на калории и затоа количината која може да биде консумирана е далеку поголема од количината на храна со вискока густина на калории. Густина на калории е број на калории изразен во дадена количина на храна. На производите тоа воглавно се изразува на количина од 100 грама. На пример, ако дадена количина на храна со вискока калорична вредност во 100 грама има 700 – 800 калории (како животинското  сирење), тогаш интегралната житарка или мешунките оваа количина на калории ќе ја содржат во количина од 250 до 300 грама зависно од целовитоста на зрното и сортата. Тоа овозможува консумирање на далеку поголема количина од таа храна и многу поголема волуминозна сатисфакција на дигестивниот тракт. Ако ја земеме во предвид и далеку поголемата хранливост на продуктите со ниска калорична густина тогаш сме сигурни дека консумирајќи ја оваа храна на организмот не само што му овозможуваме да го задоволи гладот и истовремено да не се здебелува туку тој сега ќе се придвижува кон идеалната телесна тежина. Истовремено, на овој начин на организмот му даваме целосна сигурност и заштита од метаболни оптоварувања и пореметувања што е голема превенција од појава на голем број хронични болести.

Имајќи го горново во предвид, еве неколку главни насоки и совети за максимално и безбедно губење на вишокот на телесна тежина:

Прво – најголем процент на секојдневната исхрана нека се состои од целозрнеста, непроцесуирана скробна храна со ниска калориска густина а висока хранлива вредност (целозрнеста житарка, копир, ориз, мешунки)

Второ – зеленчукот кој не е скробен како што се лиснатите плодови, зелка, ќељ, прокељ, блитва, потоа карфиолести плодови, како карфиол, брокула и сл, потоа, морков, пиперка, домати, модар домат, тиквичка, краставица и друг зеленчук, се плодови кои имаат најмала калориска густина но се носители на микроелементи како витамини, минерали, антиоксиданси. Тие се додаваат на сите оброци како свежи или лесно обработени, зависно од композицијата на оброците и потребите на организмот.

Трето – да се избегнува животинска храна (месо, млеко и млечни производи, риба, јајца), кои не само што имаат висока калориска густина туку се и со ниска хранлива вредност, не содржат фибер, не содржат комплексни јагленихидрати, антиоксиданси. Содржат висок процент на масти и протеини кои се со голема метаболна киселост со што го оптоваруваат целиот метаболизам и го компромитираат имунитетниот систем.

Четврто – да се избегнува растителна храна со голема калориска густина, како што се масла, јатки, процесуирани брашна, бели пецива, суво овошје, цедени овошни сокови, како и фабрички преработки со шеќери и масла како што се разни грицки, чипсови, некои мафини. Да се избегнуваат и таканаречени растителни сирења кои содржат казеини и транс масти и сл.

Ова се некои од главните принципи за максимално, брзо и безбедно губење на вишокот на килограми. Се разбира дека и физичката активност е важен дел од здравиот животен стил, но сепак кога зборуваме за губење на вишокот на килограмите начинот на исхрана е број еден меѓу сите останати фактори кои може да дадат брзи и добри резултати.

Добар апетит!!

Спец. Д-р Јадранка Бибан

Leave a Reply

Your email address will not be published. Required fields are marked *